ዘመነ ግሪቢጥ

ስነ ጽሑፍ ብዝተፋላለየ ኣጋላልጻ ዝግለጽ እካ እንተኮነ ;ምስ ስምዒት ደቂ ሰባት ዝተኣሳሰረ እዩ:: ምናልባት ናይ ስነ ጽሑፍ ክእለትን ኡኩል ብቅዓትን እኳ እንተዘይ ሃለወ ብዝካኣለካ ምፍታን መግለጺ ሓርኮትኮት  ማኣዲ ፍልጠት እዩ::

ተኩላ ኮይኑ    ብጻያ ንበጊዕ

ኢሂ ዳበለት ኮፍኢላ ክተውግዕ

                                   ኣጣልዶ`ታ  ምስ    ዝብኢ   ይበላዓ

                                   ወይ ጊዜ ኣናጹ`ዶ ምስ ደማሙ የውግዓ

ወይ ጉድ ሃመማ ሒዞም ቦታ ንህቢ

ፍርዲ  ኣብ  ኣድጊ   በቅሊ ተዓዛቢ

ደርሆ  ዝጻሕተሮ  ኮይኑ  ተነባቢ

                                  ጣንጡ  ካብ  ኮነ  ዋርዲያ  ለይቲ

                                  ቁርዲድ`ውብ  ኮነ  ሓካሚ  ከብቲ

                                  ጫቂት ወዲደርሆ ካብኮነ ባዓልሃብቲ

                                  ንሽላ ገይሩ    ወካሊ ሞጋቲ

ወይማዓት ምድረ በዳ  ብዉሑጅ ማሲኑ

መርዚ መንደላይ  ተመንፈውሲ ኮይኑ

                                   ኣጣል በረካ`ሲ  ክግርዛ ኒነብሪ 

                                   ሓሰር`ውን ረከበ መጻወቲ ጓህሪ

ጻጸ መሬት ሒዙ  ንሓርማዝ ክሕንን

ግመል ኣብ  ጉድጓድ ክሕባእ ይደንን

ኣብ መርዓ ዝብኢ ኣጣል ተዓዲመን

ተብተብ  ይብላ ሰዓት ከይትኣክለን

                                   ሓላዊ ግራት ዋዓግ ካብኮነ 

                                   ዕፉን ንክሕሉ  ቅፊዝይዳነ ::